سابق وزیراعظم عمران خان کی آڈیو لیک کی تحقیقات کیلئے درخواست کو سپریم کورٹ نے اعتراضات لگا کر واپس کردیا۔
سپریم کورٹ کی جانب سے اعتراضات کیے گئے ہیں کہ درخواست گزار اپنی درخواست میں عوامی مفاد کو واضع نہیں کرسکے، درخواست گزار نے سپریم کورٹ سے پہلے کسی اور فورم سے رجوع نہیں کیا جبکہ درخواست ایک سے زائد استدعا کی گئی ہیں۔
رجسٹرار آفس نے کہا کہ درخواست قابل سماعت نہیں ہے۔
واضح رہے عمران خان نے آڈیو لیک کی تحقیقات کیلئے جوڈیشل کمیشن یا مشترکہ تحقیقات ٹیم بنانے کی استدعا کرتے ہوئے مزید آڈیوز کو لیک روکنے کی بھی استدعا کی تھی۔
یہ بھی پڑھیں: عمران خان نے الیکشن کمیشن کا فیصلہ اسلام آباد ہائیکورٹ میں چیلنج کر دیا
درخواست میں وزیر اعظم ہاوس اور آفس کی نگرانی، ڈیٹا ریکارڈنگ اور آڈیو لیکس کا غیر قانونی قرار دینے اور آڈیو لیکس کی تحقیقات کراکر ذمہ داران کو سزا دی جائے کی استدعا بھی شامل تھی۔
سپریم کورٹ سے مطالبہ کیا گیا تھا کہ حکومت اور متعلقہ اتھارٹیز کو مزید آڈیوز کی ریلیز کو روکنے کا حکم دیا جائے، درخواست میں وزارت داخلہ،دفاع، آئی ٹی اور وزارت اطلاعات کو فریق بنانے کے ساتھ آئی بی، ایف آئی اے اور پیمرا کو بھی فریق بنایا گیا تھا۔
