سربراہ عوامی مسلم لیگ شیخ رشید کا کہنا ہے کہ مجھے گرفتار کرنے کے لیے حکومت ہر کوشش کررہی ہے۔ حکمران لانگ مارچ سے خوفزدہ ہیں۔
سابق وزیر داخلہ شیخ رشید کا کہنا ہے کہ ایف آئی اے کی ٹیمیں تھانہ وارث خان راولپنڈی پہنچ چکی ہیں۔ایف آئی اے کی ٹیمیں دو بسوں میں تھانہ وارث خان پہنچی ہیں۔ ایف آئی اے کی ٹیمیں لال حویلی پر چھاپہ مارنے کے لیے پہنچیں۔مجھے گرفتار کرنے کے لیے حکومت ہر کوشش کررہی ہے۔
انہوں نے کہا ہے کہ حکمران لانگ مارچ سے خوفزدہ ہیں،قوم عمران خان کے ساتھ کھڑی ہے۔راولپنڈی کے عوام عمران خان کے ساتھ باہر نکلیں گے۔
ان کا کہنا ہے کہ عمران خان کا لاہور میں اچھا استقبال ہوا ،راولپنڈی میں بھی تاریخی ہوگا۔چاہے میں گرفتار ہوا یا نہ ہوا عمران خان کا اچھا استقبال ہوگا۔نسلی اور اصلی مشکل میں ساتھ کھڑا ہوتا ہے۔
انہوں نے کہا ہے کہ میری اداروں سے کوئی لڑائی نہیں،اگر میں مارا گیا تو ذمہ دار رانا ثنااللہ ہوں گے۔میں شاہدرہ سے ساتھ نہیں جارہا، گجرات سے ساتھ ہوں گا۔
ان کا کہنا ہے کہ مذاکرات الیکشن کی تاریخ پر کریں تو کرنے چاہییں۔عمران خان کو مشورہ دے سکتا ہوں، سیاستدان اپنے راستے نہیں بند کرتا۔
یہ بھی پڑھیں:عمران خان نے فیصل واوڈا کو تحریک انصاف سے نکال دیا
انہوں نے کہا ہے کہ ایک سیٹ کی سیاست کرتا ہوں، 7 سال سے اسی پر الیکشن لڑتا ہوں۔سیاستدان سزاؤں سے نہیں ڈرتا۔جیلوں میں رہا، کورٹ مارشل ہوا، کوڑے معاف ہوگئے۔
ان کا کہنا ہے کہ اگر مارا گیا تو رانا ثنااللہ کو شامل تفتیش کیا جائے۔سیاست عمران خان کے ساتھ ہے، چودھری میرے بھائی ہیں۔صوبائی سیاست نہیں کرتا، 3خاندانوں سے میرا تعلق ہے۔
انہوں نے کہاہے کہ امید ہے مذاکرات کی میز پر لانے کے لیے کوشش ہوگی۔بات چیت نتیجہ خیز ہونی چاہیے۔عمران خان سے بات ہوگئی ، لاہور ہائی کورٹ میں ضمانت کے لیے جارہاہوں ۔
