اسلام آباد: وفاقی وزیر برائے موسمیاتی تبدیلی شیری رحمان نے کہا ہے کہ لانگ مارچ کا مقصد “ڈیل کرو اور مجھے اقتدار کی کرسی پر بٹھاؤ” ہے۔
وفاقی وزیر برائے موسمیاتی تبدیلی شیری رحمان نے سماجی رابطے کی ویب سائٹ ٹوئٹر پر لکھا کہ لانگ مارچ کا مقصد ڈیل کرو اور مجھے اقتدار کی کرسی پر بٹھاؤ۔ ملک آزاد اور عوام با شعور ہیں اور اگر کچھ غلام ہے تو وہ عمران خان کی سوچ اور سیاست ہے۔
انہوں نے کہا کہ پر امن احتجاج سب کا حق ہے لیکن اسلام آباد میں انتشار پھیلانے کی اجازت نہیں ہو گی۔
“حقیقی آزادی” کا مقصد ہے مجھ سے ڈیل کرو اور مجھے اقتدار کی کرسی پر بٹھائو۔ ملک آزاد اور عوام با شعور ہیں، اس ملک میں اگر کچھ غلام ہے تو وہ عمران خان کی سوچ اور سیاست ہے۔ پر امن احتجاج سب کا حق ہے لیکن اسلام آباد میں انتشار پھیلانے کی کسی کو اجازت نہیں ہوگی۔1/3
— SenatorSherryRehman (@sherryrehman) October 29, 2022
یہ بھی پڑھیں: میری ویڈیو چلا رہے ہیں کہ اختلافات ہو گئے، ایسا کچھ نہیں، اسد عمر
شیری رحمان نے کہا کہ ملک درست سمت میں جا رہا ہے اور خارجہ تنہائی ختم ہو رہی ہے۔ عمران خان انتشار پھیلانے اور اسلام آباد کو یرغمال بنانے کے لیے آ رہے ہیں۔ان ہی کے رہنما نے دعویٰ کیا تھا کہ لانگ مارچ میں لاشیں گریں گی۔
اب جب ملک اپنی درست سمت میں واپس جا رہا ہے، خارجہ تنہائی ختم ہو رہی تو عمران خان انتشار پھیلانے اور اسلام آباد کو یرغمال بنانے کیلئے آ رہے ہیں۔ ان ہی کے رہنماء نے دعوہ کیا ہے پی ٹی آئی کے لانگ مارچ میں لاشیں گرے گی۔ کیا یہ لاشیں گرانے آ رہے ہیں؟ کیا عمران خان یہی چاہتے ہیں؟2/3
— SenatorSherryRehman (@sherryrehman) October 29, 2022
وفاقی وزیر نے کہا کہ عمران خان رات کو اداروں کے سربراہان سے ڈیل کے لیے پیر پکڑ رہے تھے اور دن میں ڈیل نہ ملنے کی صورت میں شورٹ مارچ کا اعلان کیا گیا۔
انہوں نے کہا کہ لانگ مارچ کی آڑ میں ذاتی سیاسی جنگ لڑی جا رہی ہے۔
اگر پی ٹی آئی رہنماء کا دعوہ درست ہوا تو اس کا ذمہ دار کون ہوگا؟عمران خان رات کے اندھیروں میں اداروں کے سربراہان سے ڈیل کے لئے پیر پکڑ رہے تھے اور دن میں ان کا گریبان۔ ڈیل نا ملنے کی صورت میں انہوں نے “شورٹ مارچ” کا اعلان کیا۔ حقیقی آزادی کی آڑ میں ذاتی سیاسی جنگ لڑی جا رہی 3/3
— SenatorSherryRehman (@sherryrehman) October 29, 2022