لاہور: لاہور ہائی کورٹ کی راولپنڈی بینچ نے سانحہ مری کا محفوظ فیصلہ سنا دیا، فیصلہ جسٹس چودھری عبدالعزیز نے سنایا ہے۔
سانحہ مری : ایکسیئن ہائی ویزپر برہمی, سارا کام واٹس ایپ گروپوں میں چلے گا تو نتائج یہی ہوں گے، عدالت
فیصلے میں کہا گیا ہے کہ مری میں پارکنگ سلاٹس شہر سے بنائی جائیں تاکہ رش نہ ہو، سانحہ مری میں جن لوگوں کی شہادتیں ہوئیں، ان کا معاوضہ بڑھایا جائے، مری میں سیوریج، پانی اور ویسٹ مینجمنٹ کا نظام بہتر بنایا جائے۔
ہائی کورٹ کی راولپنڈی بینچ نے سنائے جانے والے فیصلے میں غیر قانونی تعمیرات اور درختوں کی کٹائی پر پابندی عائد کرتے ہوئے ضلعی انتظامیہ کو حکم دیا ہے کہ غیر قانونی تجاوزات کو ختم کیا جائے۔
جسٹس چودھری عبدالعزیز نے سنائے جانے والے فیصلے میں حکم دیا ہے کہ محکمہ ہائی وے، محکمہ ڈیزاسٹر مینجمنٹ اور ریسکیو سانحہ مری کے ذمہ داران کے خلاف انکوائری کریں، مری میں ہوٹلوں اور رہائشی فلیٹس کو ریگولیٹ کیا جائے۔
سانحہ مری: صوبوں سمیت کسی نے این ڈی ایم اے قانون پر عمل نہیں کیا، اسلام آباد ہائی کورٹ
لاہور ہائی کورٹ کی راولپنڈی بینچ نے سنائے جانے والے فیصلے میں واضح طور پر حکم دیا ہے کہ سانحہ مری میں معطل کیے جانے والے چند افسران کا سانحہ مری سے تعلق نہیں بنتا ان کو دوبارہ سنا جائے۔
