اسلام آباد میں گزشتہ روز فیض آباد کے مقام پر تحریک انصاف کے کارکنان نے عمران خان کیخلاف قاتلانہ حملے کی مزمت کرتے ہوئے احتجاج ریکارڈ کرایا، لیکن اسی میں ایک نوجوان شہری کی بائیک نذر آتش کر دی گئی، جس کی ویڈیو سوشل میڈیا پر وائرل ہو گئی۔
مظاہرین میں سے کچھ مشتعل ہجوم نے اپنے احتجاج کیلئے اشتیاق حسین نامی نوجوان کی موٹر سائیکل تو جلا دی، لیکن وہ اس کا واحد ذریعہ معاش تھا، نوجوان کی روتے ہوئے ویڈیو نے سب کے دل دہلا دئیے۔
احتجاج کریں آپ کا حق ہے لیکن کسی غریب کے پیٹ پر لات نہ ماریں، اس غریب بائکیا والے کی موٹر سائیکل جلا دی، اس بیچارے کے روزگار کا انتظام کون کرے گا اب؟ pic.twitter.com/M1RExF2llE
— Khurram Iqbal (@khurram143) November 4, 2022
نوجوان کا کہنا تھا کہ 50، 60 لوگوں کے ہجوم نے اپنے احتجاج کیلئے ان کے بائیک کو نذر آتش کر دیا۔ نویں جماعت میں تعلیم حاصل کرنے والا نوجوان والد کی وفات کے بعد بائیک چلا کر گھر کا گزارہ چلا رہا تھا، اس پر 8 بہن بھائیوں کی ذمہ داری ہے۔
ویڈیو سوشل میڈیا پر وائرل ہوتے ہی ہر کوئی جو نوجوان کی مدد کرنے کیلئے آگے بڑھا۔
اسی میں معروف شخصیت ہمیوین ٹیرین ایسوسی ایشن کے چیئرمین فیصل جمیل نے فوری رابطہ کرکے رات ہی کو متاثرہ نوجوان کو موٹر سائیکل کی رقم فراہم کر نے کیلے اسی وقت اس کے ہاتھ میں بانوے ہزار کا چیک تھما کر اس کے چہرے پر مسکراہٹ واپس لوٹا دی۔
اسلام آباد مظاہرین نے بائکیا چلا کر گھر چلانے والے اشتیاق کی موٹر سائکل جلائی تو اسلام آباد کی معروف شخصیت ہمیوین ٹیرین ایسوسی ایشن کے چیئرمین نے فوری رابطہ کرکے متاثرہ نوجوان کو موٹر سائکل کی رقم فراہم کر دی متاثرہ شہری کا تمام رابطہ کرنے والوں کیلئے پیغام https://t.co/pILgth4A72 pic.twitter.com/mb2JeiiyPw
— Adil Tanoli (@adiltanoli99) November 4, 2022
جس پر شہری نے ان سمیت تمام لوگوں کو شکریہ ادا کیا جو اس کی مدد کو آگے بڑھے، مسلم لیگ ن کی نائب صدر مریم نواز نے بھی ٹوئٹر پر متاثرہ نوجوان کی مدد کیلئے اس کی معلومات دریافت کی۔
