اسلام آباد ہائیکورٹ نے پی ٹی آئی کی جانب سے دھرنے اور جلسے کی اجازت نہ ملنے کے خلاف درخواست میں ریمارکس دیئے ہیں کہ فریقین معاملات طے کرلیں، ورنہ عدالت دیکھے گی۔
پی ٹی آئی کی جانب سے جلسے اور دھرنے کی اجازت نہ ملنے کے خلاف درخواست کی سماعت جسٹس عامر فاروق نے کی۔ دوران سماعت عدالت نے اسٹیٹ کونسل کے نمائندے سے استفسار کیا کہ آپ نے کوئی درخواست دی ہے؟
یہ بھی پڑھیں: سپریم کورٹ کا عمران خان پر قاتلانہ حملے کی ایف آئی آر درج کرنے کا حکم
جس پر نمائندہ اسٹیٹ کونسل نے عدالت کو بتایا کہ پی ٹی آئی کے جلسے کی درخواست غیر مؤثر ہو چکی ہے۔ لہٰذا جلسے اور دھرنے کی اجازت کی درخواست خارج کردی جائے۔
عدالت نے کہا کہ افسوس ناک واقعہ پیش آیا ہے۔ان کو کچھ وقت دے دیتے ہیں۔دوران سماعت جسٹس عامر فاروق نے ریمارکس دیئے کہ فریقین بیٹھ کر طے کر لیں۔ ورنہ عدالت دیکھے گی، عدالت نے کیس کی مزید سماعت جمعہ تک ملتوی کردی۔
