لاہور: پاکستان تحریک انصاف کے مرکزی سیکریٹری جنرل اسد عمر نے کہا ہے کہ لانگ مارچ میں وزیرآباد سے شاہ محمود قریشی اور دوسرے ساتھیوں کے ہمراہ شرکت کروں گا۔
پی ٹی آئی لانگ مارچ کے شیڈول میں ایک مرتبہ پھر تبدیلی
سابق وفاقی وزیر اسد عمر نے یہ بات سماجی رابطوں کی ویب سائٹ ’ٹوئٹر‘ پر جاری کردہ بیان میں کہی ہے۔
انشاء اللہ جمعرات کو وزیرآباد میں شاہ محمود قریشی اور دوسرے ساتھیوں کے ہمراہ لانگ مارچ کے دوبارہ سفر کے آغاز میں شرکت کروں گا. اس کے بعد جی ٹی روڈ پر لانگ مارچ شاہ صاحب لیڈ کریں گے اور میں فیصل آباد ڈویژن سے مارچ لیڈ کروں گا. خیبر پختون خواہ سے بھی تین اطراف سے مارچ ہو گی.
— Asad Umar (@Asad_Umar) November 7, 2022
انہوں نے جاری کردہ بیان میں کہا ہے کہ شاہ محمود قریشی جی ٹی روڈ پر لانگ مارچ کی قیادت کریں گے جب کہ میں فیصل آباد سے مارچ لیڈ کروں گا۔
پی ٹی آئی رہنما اسد عمر نے کہا ہے کہ خیبر پختونخوا میں جنوبی اضلاع سے مارچ کی قیادت علی امین گنڈا پور کریں گے۔
عمران خان لانگ مارچ سے روزآنہ آن لائن خطاب کریں گے، یاسمین راشد
اسد عمر کے مطابق مالاکنڈ ریجن سے وزیراعلیٰ خیبرپختونخوا محمود خان اور مراد سعید مارچ کی قیادت کریں گے جب کہ پشاور اور ہزارہ ریجن کے مارچ کی قیادت پرویز خٹک کریں گے۔
