جہانیاں: دلہن کو بیاہ کر لانے کا ارمان سجائے پہنچنے والی بارات کے ساتھ ہاتھ ہوا تو دولہا سجی ہوئی گاڑی میں فریاد لے کر تھانے پہنچ گیا۔
بارات پر شہد کی مکھیوں کا حملہ، باراتی اسپتال پہنچ گئے، متاثرین میں دولہا بھی شامل
واقعات کے مطابق صوبہ پنجاب کے علاقے جہانیاں کے قریب واقع مخدوم رشید سے بارات جب خانیوال پہنچی تو معلوم ہوا کہ دلہن اور اس کے گھر والے موجود ہی نہیں ہیں بلکہ گھروں کو تالے لگا کر غائب ہو چکے ہیں۔
یہ صورتحال دیکھ کر پہلے تو دولہا محمد کاشف نے دلہن اور اس کے گھر والوں کو قرب و جوار کے علاقوں میں ڈھونڈا اور ناکامی کے بعد سجی ہوئی کار میں بیٹھ کر فریاد لیے تھانے پہنچ گیا۔
خواتین کی ویڈیو بنانے کے تنازعے پر دولہا قتل
دولہا محمد کاشف جس نے ہاتھ کی کلائی میں حسب روایت ’گاہنا‘ بھی پہنا ہوا تھا، نے تھانے میں عملے کو بتایا کہ دلہن اور اس کے گھر والوں نے شادی کی تیاری کے لیے اس سے 80 ہزار روپے بھی لیے تھے لیکن اب وہ اسے نہیں مل رہے ہیں۔
محمد کاشف نے تھانہ سٹی خانیوال میں درخواست دی کہ تلاش کے باوجود اسے دلہن اور اس کے گھروالوں کا کوئی سراغ نہیں ملا ہے اور اسے علم ہوا ہے کہ اس کے ساتھ فراڈ ہو گیا ہے، لہذا مجرمان کے خلاف کارروائی کی جائے اور اس کی داد رسی ہو۔
جہلم: دولہا کے ساتھ ہاتھ ہوگیا، دلہن خواجہ سرا نکلی
تھانہ سٹی کی پولیس نے دولہا کی جانب سے دی جانے والی درخواست وصول کر کے کارروائی کرنے کی یقین دہانی کرادی جس کے بعد دولہا اور باراتی خالی ہاتھ واپس چلے گئے۔
