ٹی ٹوئنٹی ورلڈ کپ 2022 میں ناقص کارکردگی کی وجہ سے بھارتی کرکٹ بورڈ نے پوری سیلکشن کمیٹی برطرف کر دی۔
بھارتی کرکٹ بورڈ نے چیتن شرما کے زیر قیادت سلیکٹرز کی کمیٹی کو فوری طور پر برطرف کر دیا اور ساتھ ہی خالی اسامی کے لیے نئی درخواستیں طلب کر لی ہیں۔
رپورٹ کے مطابق سیلکٹرز کو عام طور پر چال سال تک کے لیے منتخب کیا جاتا ہے، تاہم، چیتن شرما، ہرویندر سنگھ، سنیل جوشی، اور دیبایش موہنتی نے سلیکٹرز کے طور پر مختصر ترین مدت کے لیے خدمات انجام دیں۔
دوسری جانب بھارتی کرکٹ ٹیم کے لیے ہر فارمیٹ میں الگ کپتان مقرر کرنے پر غور شروع کردیا گیا ہے۔
رپورٹس کے مطابق روہت شرما کی جگہ نیا مستقل ٹی ٹوئنٹی کپتان مقرر کیا جائے گا۔بھارتی میڈیا کے مطابق روہت شرما آئندہ برس ہونے والے ورلڈ کپ تک ون ڈے ٹیم کی قیادت کرسکتے ہیں۔
