پاکستانی اور بھارتی فلم اسٹارز ایک ساتھ

November 20, 2022

دبئی میں ہونے والے فلم ایوارڈز کی تقریب میں پاکستانی اور بھارتی فنکار گھل مل گئے۔ پاکستان کی سجل علی، فہد مصطفیٰ ایور دیگر اداکاروں نے ایوارڈ شو میں شرکت کی، بھارتی فنکاروں سے گپ شپ بھی لگائی۔

دبئی میں سجی فلم فیئر مڈل ایسٹ اچیورز نائٹ ایوارڈز کی تقریب جس میں بالی وڈ فنکاروں کے علاوہ پاکستان کے نامور اداکاروں نے بھی شرکت کی۔ پاکستان کی سجل علی مرکز نگاہ رہیں۔ بالی ووڈ اسٹار رنویر سنگھ بھی ان سے باتوں میں مصروف نظر آئے۔

سجل علی کو پاکستانی سنیما کا سب سے مقبول اور ہر دلعزیز چہرہ ہونے کا ایوارڈ دیا گیا۔ ایوارڈ وصول کرتے ہوئے سجل علی نے ہمایوں سعید کا بھی خصوصی شکریہ ادا کیا۔

View this post on Instagram

A post shared by Irfanistan (@irfanistan)

انہوں نے کہا کہ میں ہمیشہ سے یہ چاہتی تھی کہ مجھے کبھی موقع ملے تو میں اس ایک شخص کا شکریہ ضرور ادا کروں گی، جنہوں نےمجھ پر سب سے پہلے یقین رکھا اور مجھے پہلی بار مجھے بہت سارے لوگوں کے سامنے پَرفارم کرنے کا موقع فراہم کیا۔ وہ شخص ہمایوں سعید تھے۔ تقریب میں سجل علی اور فہد مصطفیٰ کے علاوہ ہمایوں سعید کو بھی ایوارڈ دیا گیا۔

سجل علی کی رنویر سنگھ سے بھی ملاقات ہوئی۔ دونوں فنکار کافی دیر تک باتیں کرتے رہے۔ اس ملاقات کی تصاویر اور ویڈیوز سوشل میڈیا پر بھی گردش کر رہی ہیں جب کہ سجل علی نے خود بھی رنویر کے ساتھ اپنی تصویر انسٹاگرام پر شیئر کی۔

View this post on Instagram

A post shared by Irfanistan (@irfanistan)

سجل علی نے آنجہانی اداکارہ سری دیوی کی بڑی بیٹی اور بالی وڈ میں اپنی دوست جھانوی کپور سے بھی ملاقات کی۔ سجل علی نے بالی ووڈ فلم مام میں سری دیوی کی بیٹی کا ہی کردار نبھایا تھا۔