دوحہ: فیفا فٹبال ورلڈکپ 2022 کے افتتاحی میچ میں ایکواڈور نے میزبان ملک قطر کو 0-2 سے شکست دے دی ہے۔
قطر پہ تنقید کرنیوالے یورپی ممالک کو 3 ہزار سال تک انسانوں سے معافی مانگنا ہوگی، فیفا سربراہ
عالمی خبر رساں ایجنسی کے مطابق پہلا میچ قطر کے شہر الخور کے البیت اسٹیڈیم میں کھیلا گیا جہاں 60 ہزار کا گنجائش والا اسٹیڈیم شائقین سے کھچا کھچ بھرا ہوا تھا۔
میچ کے آٹھویں منٹ میں ایکواڈور کی ٹیم نے فٹبال کو میزبان قطر کے خلاف گول کیا لیکن میچ ریفری نے فاؤل قرار دیے کر گول مسترد کردیا۔
پاکستان بھی فیفا ورلڈ کپ کا حصہ
فاتح ٹیم ایکواڈور کی جانب سے پہلا گول تجربہ کار کھلاڑی اور کپتان اینر ویلنسیا نے کھیل کے 16 ویں منٹ میں پنالٹی کک پر کیا جس کے بعد 31 ویں منٹ میں ایکواڈور نے دوسرا گول بھی کردیا۔
میچ میں وقفے تک اسکور دو صفر تھا جب کہ دوسرے ہاف میں بھی ایکواڈور کا پلڑا بھاری رہا، مبصرین کے مطابق قطر کی ٹیم نے بھی قدرے بہتر کھیل پیش کیا لیکن میچ نہ جیت سکی۔
قطر، فٹبال ورلڈکپ 2022 کا رنگا رنگ افتتاحی تقریب سے آغاز ہو گیا
خبر رساں ایجنسی کے مطابق میچ کے دوسرے ہاف میں قطرکو گول کرنے کے دو تین اچھے مواقع ملے لیکن وہ ضائع ہو گئے۔
