آرمی چیف کی تقرری دو تین روز میں ہو جائے گی،وزیراعظم کا خط جی ایچ کیو کو بھیج دیا، وزیر دفاع

اسلام آباد: وزیر دفاع خواجہ آصف نے کہا ہے کہ 75 سال بعد ایک ادارہ نیوٹرل رہنا چاہتا ہے تو اس میں رکاوٹ نہیں ڈالنی چاہیے، ادارہ اپنا آئینی کردار ادا کر رہا ہے۔

آرمی چیف تقرر: سمری موصول، وزیراعظم صحتیاب، 5 ناموں پر مشاورت

پاکستان مسلم لیگ (ن) کے مرکزی رہنما خواجہ آصف نے قومی اسمبلی اجلاس سے خطاب کرتے ہوئے کہا کہ آج پورا دن ایک خبر چلتی رہی اور پوری قوم میں بے چینی رہی، عمران خان اداروں کو غیرآئینی اقدامات کے لیے اکسا رہے ہیں، ریاستی ادارے اپنا کردار ادا کر رہے ہیں۔

انہوں نے کہا کہ عمران خان اقتدار حاصل کرنے کیلئے مختلف حربے استعمال کررہے ہیں، عمران خان کو چار سال ایک ادارے نے غیرمشروط سپورٹ کیا، عمران خان نے اپنے چار سالہ دور میں صرف کرپشن کی، عمران خان اقتدار کے غم میں پاگل ہو گئے ہیں۔

وزیردفاع خواجہ آصف نے کہا کہ ملک کی وحدت کو نقصان پہنچانے کی کوشش کی جارہی ہے، اہم تعیناتی پر ملک میں ایک ہیجان برپا کیا ہوا ہے، وزیراعظم کا خط وزارت دفاع کو موصول ہوگیا ہے، یہ خط جی ایچ کیو کو بھیج دیا گیا ہے، امید ہے 2،3 روز میں تعیناتی کا مرحلہ مکمل ہو جائے گا، تقرری کا عمل مکمل ہوتے ہی ہیجان ختم ہو جائے گا۔

آرمی چیف کے اہل خانہ کی ٹیکس معلومات کیسے لیک ہوئیں؟24 گھنٹوں میں رپورٹ طلب

ن لیگ کے رہنما نے قومی اسمبلی اجلاس سے خطاب کرتے ہوئے کہا کہ اس کے بعد عمران خان کے ساتھ دو دو ہاتھ کر لیں گے، توشہ خانہ سے سب نے تحفے لیے ہیں لیکن عمران خان واحد آدمی ہے جس نے توشہ خانہ کے تحائف بیچ دیے، عمران خان نے بھارت سے ملنے والا گولڈ میڈل بھی بیچ دیا، عمران خان نے لفظ نیوٹرل کو طعنہ بنا دیا۔

خواجہ آصف نے کہا کہ عمران خان اپنی ناکامیو ں کا ملبہ اداروں پر مت ڈالیں، ریاستی ادارے اپنا آئینی کردار ادا کرر ہے ہیں، عمران خان کا نظریہ ہے کہ ووٹ حاصل کرنے کیلئے کام کے بجائے دوسروں کو چور چورکہو۔

مارچ تک دھکیلنا عمران خان کو بند گلی تک لیجانا ہے، پارٹی کے اندر صفائی کریں، فیصل واؤڈا

وزیر دفاع نے کہا کہ عمران خان تسلیم کر چکے ہیں کہ عدم اعتماد میں کوئی بیرونی سازش نہیں تھی، عمران خان نے بیرونی سازش اور امپورٹڈ حکومت کے اپنے بیانیے پرخود ہی یوٹرن لیا، ہماری طرح عدلیہ کی تاریخ بھی قابل فخر نہیں ہے۔

متعلقہ خبریں