تسنیم حیدر کے خلاف لندن کے پولیس اسٹیشن میں رپورٹ درج

تسنیم حیدر کے خلاف لندن کے پولیس اسٹیشن میں رپورٹ درج

لندن: تسنیم حیدر کے خلاف لندن میں رپورٹ درج کرا دی گئی ہے، رپورٹ گرین فورڈ پولیس اسٹیشن میں درج کرائی گئی ہے۔

عمران خان اور ارشد شریف قتل کی سازش نواز شریف کی موجودگی میں تیار ہوئی، تسنیم حیدر کا دعویٰ

پاکستان مسلم لیگ (ن) لندن کے صدر ناصر بٹ نے تسنیم حیدر کے خلاف پولیس اسٹیشن میں رپورٹ درج کرائی ہے۔

ناصر بٹ نے اس حوالے سے کہا ہے کہ تسنیم حیدر نے جھوٹے الزامات لگا کر میری جان کو خطرے میں ڈال دیا ہے،
پولیس سے کہا ہے کہ تسنیم حیدرکو بلا کرتحقیقات کی جائیں۔

پی ایم ایل (ن) لندن کے صدر ناصر بٹ کے مطابق کسی بھی غلط کام میں ملوث نہیں ہوں، اسی لیے بے خوف ہو کر پولیس اسٹیشن جا کر رپورٹ درج کرائی ہے۔

تسنیم حیدر عمران خان حملہ کیس میں شامل تفتیش

ناصر بٹ نے کہا ہے کہ پولیس تسنیم حیدر سے اس کی جانب سے کیے جانے والے دعوے کے ثبوت و شواہد طلب کرے، سستی شہرت کی خاطرسنگین الزامات لگانے والے شخص کو خمیازہ بھگتنا پڑے گا۔

واضح رہے کہ دو دن قبل تسنیم حیدر نے خود کو ن لیگ کا ترجمان کہتے ہوئے دعویٰ کیا تھا کہ عمران خان اور ارشد شریف کے قتل کی سازش نواز شریف کی موجودگی میں تیار ہوئی تھی۔

تسنیم حیدر کے پاس ثبوت ہیں تو جے آئی ٹی میں پیش کریں، مریم اورنگزیب

تسنیم حیدر کی جانب سے کیے جانے والے دعوے کےفوری بعد ن لیگ کی مرکزی ترجمان اور وفاقی وزیر اطلاعات و نشریات مریم اورنگزیب اور مریم نواز کے پولیٹیکل سیکریٹری سمیت متعدد ن لیگی رہنماؤں نے واضح مؤقف اختیار کیا تھا کہ تسنیم حیدر کا پارٹی سے کوئی تعلق نہیں ہے۔


متعلقہ خبریں