دبئی: قومی ٹیم کے کپتان بابراعظم مزید تنزلی کا شکار ہو گئے اور اب ان سے تیسری پوزیشن بھی چھن گئی۔
انٹرنیشنل کرکٹ کونسل (آئی سی سی) نے ٹی 20 کھلاڑیوں کی رینکنگ جاری کر دی۔ جس کے مطابق بھارتی بیٹر سوریا کمار یادیو پہلے نمبر پر ہیں اور قومی ٹیم کے وکٹ کیپر محمد رضوان دوسری پوزیشن پر برقرار ہیں۔
یہ بھی پڑھیں: بلائنڈ ٹی 20 ورلڈکپ کیلئے قومی ٹیم کا اعلان
نیوزی لینڈ کے ڈیون کونوے بہترین کارکردگی کی وجہ سے تیسرے نمبر پر آ گئے ہیں جبکہ قومی ٹیم کے کپتان بابراعظم ایک درجہ تنزلی کے بعد تیسرے سے چوتھے نمبر پر چلے گئے۔
