بھارتی گلوکار اریجیت سنگھ نے پاکستان کے مشہور سپر ہٹ گانے پسوڑی گا کر مداحوں کو دیوانہ کر دیا۔
سوشل میڈیا پر وائرل ویڈیو میں دیکھا جا سکتا ہے کہ اریجیت سنگھ اپنے انداز میں پسوڑی گاتے ہیں جب کہ ہزاروں مداح ان کے ساتھ اس میگاہٹ گانے کو گنگناتے ہیں۔
ویڈیو پر تبصرہ کرتے ہوئے صارفین کا کہنا ہے کہ فن کی کوئی سرحد نہیں ہوتی اور پاکستان کے گانے پر پرفارمنس دے کر ارجیت نے یہ ثابت کردیا کہ وہ پاکستان اور اس کے فنکاروں سے محبت کرتے ہیں۔
View this post on Instagram
دوسری جانب چند لوگوں نے مایوسی کا اظہار کرتے ہوئے لکھا ہے کہ اریجیت سنگھ نے گانے کو برباد کر دیا ہے۔
یہ پہلا موقع نہیں ہے جب کسی گلوکار نے یہ سپر ہٹ گانا گایا ہو۔ ڈچ گلوکارہ ایما ہیسٹرز بھی ان چند موسیقاروں میں سے ایک ہیں جنہوں نے چند ماہ قبل اس گانے کو گایا تھا۔
واضح رہے کہ یوٹیوب پر اب تک پسوڑی کو سو ملین سے زائد لوگ دیکھ چکے ہیں۔