کالعدم تحریک طالبان پاکستان نے حکومت کیساتھ جنگ بندی ختم کرنے کا اعلان کرتے ہوئے جنگجووں کو ملک بھر میں حملوں کا حکم دے دیا ہے۔
غیر ملکی خبر رساں ایجنسی نے دعوی کیا ہے کہ کالعدم تحریک طالبان پاکستان نے حکومت پاکستان کے ساتھ طے پانے والی جنگ بندی ختم کر دی ہے۔
#UPDATE Pakistan’s Taliban said on Monday they have called off a shaky ceasefire agreed with the government in June and ordered fighters to stage attacks across the country ▶️ https://t.co/2VPgyaBWHL pic.twitter.com/NgET3eZ914
— AFP News Agency (@AFP) November 28, 2022
یہ بھی پڑھیں:پاکستان اور سوات سے اپنے جنگجو واپس بلائیں، بیرسٹر سیف کی طالبان رہنماؤں سے اپیل
کالعدم ٹی ٹی پی نے کہا ہے کہ مختلف علاقوں میں جنگجوؤں کے خلاف فوجی کارروائیاں جاری ہیں۔لہٰذا جنگجوؤں کے لیے ناگزیر ہوگیا ہے کہ وہ پورے ملک میں جہاں کہیں بھی ہو سکے، حملے کریں۔
طالبان کی جانب سے کہا گیا ہے کہ ہم نے بارہا خبردار کیا اورصبر سے کام لیا لیکن ہم پر حملےکیےگئے،اب ہمارے انتقامی حملے دیکھیں۔
واضح رہے کہ کالعدم ٹی ٹی پی نے جون میں حکومت پاکستان کے ساتھ جنگ بندی پراتفاق کیا تھا لیکن دونوں فریقوں نے بار باریہ دعویٰ کیا ہے کہ جنگ بندی کو نظرانداز کیا گیا ہے۔