ہم کہیں گے تو الیکشن ہوگا، نہیں کہیں گے تو نہیں ہو گا، مستقبل کا فیصلہ بھی ہم کریں گے، خالد مقبول

ضمنی انتخابات میں حصہ لینے سے متعلق جلد فیصلہ کریں گے، خالد مقبول

کراچی: ایم کیو ایم پاکستان کے کنوینر ڈاکٹر خالد مقبول صدیقی نے کہا ہے کہ ہمارا شہر ہے، اس کے مستقبل کا فیصلہ بھی ہم کریں گے۔

لکھ کر دیتا ہوں پنجاب اور خیبرپختونخوا سے مستعفی نہیں ہوں گے ، کراچی کا میئر جیالا ہو گا، بلاول بھٹو

سابق وفاقی وزیر ڈاکٹر خالد مقبول صدیقی نے جنرل ورکرز اجلاس سے خطاب کرتے ہوئے کہا کہ اربوں روپے خرچ کرنے والے ایم کیو ایم کو ختم نہیں کر سکے، پریشان وہ ہیں جو2018 میں الیکشن جیتے۔

انہوں نے کہا کہ ناانصافیوں کے خلاف ہمیشہ آواز اٹھائی، ہم نے اس شہرکو بنایا اب اس کو بچائیں گے، ہمیں جب بھی موقع ملا ہم نے شہرکراچی کی بہتری کیلئے کام کیا۔

آج رات حلقہ بندیاں درست کر لیں، الیکشن کل کرالیں، وسیم اختر

ایم کیو ایم پاکستان کے کنوینر نے کہا کہ آپ کو فیصلہ کرنا ہے کہ منصفانہ الیکشن ہوئے تو لڑنا ہے، ایم کیو ایم نہیں ہو گی تو الیکشن بھی نہیں ہوں گے، فیصلہ کراچی کے عوام نے کرنا ہے کہ الیکشن ہونے ہیں یا نہیں؟

ڈاکٹرخالد مقبول نے کہا کہ ہم کہیں گے تو الیکشن ہوگا ہم نہیں کہیں گے تو نہیں ہوگا، طاقت ہمارے ہاتھ میں ہے، ایم کیو ایم کے اندر ایم کیو ایم کی طاقت ہے۔

ہمارے احتجاج کو دہشتگردی اور اعتراض کو غداری کہنے کا سلسلہ بند ہونا چاہیے، خالد مقبول

ایم کیو ایم پاکستان کے کنوینر نے خطاب کرتے ہوئے کہا کہ شفاف انتخابات کے نتیجے میں مہاجر قوم کو نہیں ہرا سکتے، اس قوم کے ساتھ مردم شماری میں ناانصافی ہوئی، غلط حلقہ بندیاں کرنے والوں کے حلق میں حلقہ بندی پھنس جائے گی۔

متعلقہ خبریں