دل کی تکلیف کے باعث اسپتال پہنچنے والےسابق آسٹریلوی کپتان رکی پونٹنگ صحتیاب ہو کر واپس کرکٹ گراؤنڈ پہنچ گئے۔
آسٹریلیا اور ویسٹ انڈیز کے درمیان ٹیسٹ میچ کے چوتھے روز کمنٹری کے دوران دل کی تکلیف کے باعث اسپتال پہنچنے والے رکی پونٹنگ صحت یاب ہو کر واپس آگئے۔
کرکٹ گراونڈ میں واپس پہنچنے پر انہوں نے بتایا کہ کل کافی لوگ گھبراگئے تھے، سچ بتاؤں تو میں بھی ڈر گیا تھا، وہ خوفزدہ کردینے والا لمحہ تھا۔
انہوں ے تفصیل بتاتے ہوئے کہا ہے کہ کمنٹری باکس میں کل مجھے سینے میں دو مرتبہ درد محسوس ہوا جس کے 10 سے 15 منٹ بعد میں اسپتال میں تھا جہاں میرا بہترین علاج کیا گیا، آج بہت اچھا محسوس کر رہا ہوں۔
یہ بھی پڑھیں:رکی پونٹنگ کو کمنٹری کے دوران دل کی تکلیف، اسپتال منتقل
انہوں نے سوشل میڈیا پر بھی مداحوں کو اپنی واپسی کی خبر دیتے ہوئے لکھا ہے کہ نئی صبح کے ساتھ میں واپس آ گیا ہوں۔ جسٹن لینگر نے میرا خیال رکھا ۔
I had my little mate JL looking after me and I’m back here shiny and new this morning. Ready for a good day of Test cricket after missing the best part of yesterday. https://t.co/w98EUZCS8E
— Ricky Ponting AO (@RickyPonting) December 3, 2022
ان کاکہنا ہے کہ کل برا یہ ہوا کہ میں کرکٹ نہیں دیکھ سکا، میں نے ٹیسٹ کا بہترین حصہ مس کردیا۔
واضح رہے کہ گزشتہ روز رکی پونٹنگ کو کمنٹری کرتے ہوئے دل میں تکلیف محسوس ہونے پر اسپتال منتقل کیا گیا تھا۔ جہاں کچھ ٹیسٹ کرنے کے بعد انہیں ڈسچارج کر دیا گیاہے۔
