بھارت بنگلادیش کے کرکٹ میچ میں، کینیڈین ٹیم کی انٹری ہو گئی، ٹاس بھارت اور بنگلادیش میں ہوا ، لیکن آئی سی سی نے کینیڈا کو جیت کی مبارکباد دے دی۔
گزشتہ روز ٹوئٹر پر آئی سی سی کے آفیشل اکاؤنٹ پر ٹاس سے متعلق تفصیلات شیئر کی گئیں، جس میں لکھا گیا کہ بنگلادیش نے ٹاس جیت لیا ہے، کیا اب وہ میچ میں بھی بھارت کو شکست دے سکیں گے ؟
Someone at ICC Digital must fancy Canada’s chances of winning today’s Bangladesh-India game pic.twitter.com/sLPwJXgbTv
— Rick Eyre on cricket (@rickeyrecricket) December 7, 2022
لیکن اس پوسٹ کے ساتھ تصویر کینیڈا کرکٹ ٹیم کی لگا دی گئی، جس پر صارفین نے آئی سی سی کا خوب مذاق اڑایا، کچھ ہی دیر میں غلطی کا احساس ہونے پر پوسٹ ڈیلیٹ کر دی گئی لیکن تب تک اس کے اسکرین شاٹس وائرل ہو چکے تھے۔
واضح رہے کہ گزشتہ روز تین میچوں کی سیریز کے دوسرے ون ڈے میچ میں بنگلادیش نے بھارت کو شکست دے کر دو صفر کی فیصلہ کن برتری حاصل کر لی ہے۔
