الیکشن کمیشن نے عمران خان کی تقریرکا نوٹس لیتے ہوئے پیمرا سے گزشتہ روزکی تقریر کا ٹرانسکرپٹ مانگ لیا۔عمران خان نے تقریر میں چیف الیکشن کمشنرپرتنقید کی تھی۔
الیکشن کمیشن کے حکام کے مطابق الیکشن کمیشن آرٹیکل 204 کےتحت عمران خان کیخلاف کارروائی کرسکتا ہے، الیکشن کمیشن پہلے ہی عمران خان کے خلاف توہین چیف الیکشن کمشنر کی کاروائی کر رہا ہے۔
یہ بھی پڑھیں: نئے آرمی چیف حافظ قرآن ہیں، امید رکھتا ہوں یہ امر بالمعروف پر چلیں گے،عمران خان
دوسری جانب الیکشن کمیشن نے 13 دسمبر کوعمران خان کو پارٹی چیئرمین شپ سے ہٹانے سمیت 5 اہم کیسز ڈی لسٹ کردیئے ہیں، جس کی سماعت 20 دسمبر کو ہوگی۔
ڈی لسٹ ہونے والے کیسز میں عمران خان کے ضمنی انتخابات میں کامیابی کا نوٹیفکیشن جاری کرنے، اکبر ایس بابر کی پی ٹی آئی کے خلاف پولیٹیکل پارٹیز آرڈر ایکٹ 2020 کے تحت شکایت۔این اے 22 مردان، این اے 24چارسدہ،این اے31پشاور میں انتخابی اخراجات کی تفصیلات جمع کرانے۔این اے108فیصل آباد،این اے 118ننکانہ صاحب میں انتخابی اخراجات کی تفصیلات جمع کرانے اور این اے239کراچی،این اے 45کرم میں انتخابی اخراجات کی تفصیلات جمع کرانے کے کسز شامل ہیں۔
