سابق چیئر مین پی سی بی رمیز راجہ کا کہنا ہے کہ پاکستان جونیئر لیگ انتقامی سیاست کی نذر ہوگئی۔
پاکستان جونیئر لیگ ختم کرنے کے فیصلے پر رمیز راجہ کا ردعمل بھی سامنے آگیا۔ سابق چیئر مین پی سی بی نے سوشل میڈیا پلیٹ فارم ٹوئٹر پر ایک پیغام میں امریکا کے سابق باسکٹ بال پلیئر میجک جانسن کے الفاظ شیئر کردیے۔
انہوں نے لکھا ہے کہ “تمام بچوں کو ذرا سی مدد اور امید کی ضرورت ہوتی ہے۔ ساتھ ہی انہیں کسی ایسے شخص کی ضرورت ہوتی ہے جو ان پر بھروسہ کرے”
“All kids need is a little help, a little hope and somebody who believes in them.” – Magic Johnson. It is so sad that PJL has fallen to vendetta politics & rolled back even though 7 of the kids made it to PSL 8 emerging category & 3 are part of Pak vs NZ as reserves.
— Ramiz Raja (@iramizraja) December 31, 2022
یہ بھی پڑھیں:ڈپارٹمنٹل کرکٹ بحال، پاکستان جونیئر لیگ ختم
انہوں نے پی سی بی مینجمنٹ کمیٹی کے فیصلے پر تنقید کرتے ہوئے کہا ہے کہ افسوس کی بات ہے کہ پاکستان جونیئر لیگ انتقامی سیاست کی نذر ہوگئی اور اسے ختم کردیا گیا۔
ان کا کہنا ہے کہ حالانکہ پی جے ایل کے 7 بچوں نے پی ایس ایل 8 کی ایمرجنگ کیٹیگری میں جگہ بنائی اور ان میں سے 3 پاکستان اور نیوزی لینڈ کی سیریز کے ریزرو کھلاڑیوں میں ہیں۔
واضح رہے کہ پاکستان کرکٹ بورڈ کی منیجمنٹ کمیٹی نے ریجنل، ڈسٹرکٹ اور ڈپارٹمنٹل کرکٹ بحال کرنے اور پاکستان جونیئر لیگ کو ختم کرنے کا اعلان کیا ہے۔
