خبروں کے حصول کیلئے ٹوئٹر کا پہلا نمبر


خبروں کے حصول کیلئے ٹوئٹر ایپل ایپ اسٹور پر سب سے زیادہ ڈاون لوڈ کی جانے والی ایپ بن گئی ہے۔

ایلون مسک کے پلیٹ فارم سنبھالنے کے بعد ٹوئٹر ایپل ایپ اسٹور میں خبروں کی کیٹیگری میں پہلے نمبر پر آگیا ہے، ٹوئٹرنے ایپ اسٹور پر 9 جنوری 2023 کو پہلی پوزیشن سنبھالی لیکن یہ پہلی بار نہیں ہے کہ ایلون مسک کے مالک بننے کے بعد ٹوئٹر پہلے نمبر پر آیا ہو۔

رپورٹ کے مطابق امریکی خبروں کے حوالے سے ٹوئٹر 12 اکتوبر 2022 تک ایپل ایپ اسٹور میں ساتویں نمبر پر تھا، تاہم 28 اکتوبر کو ایلون مسک کی جانب سے ٹوئٹر کی خریداری کو حتمی شکل دینے کے بعد، ایپ کی رینکنگ چھٹے نمبر پر آگئی جبکہ 9 نومبر کو ٹوئٹر نے پہلی پوزیشن حاصل کی۔

11 دسمبر 2022 اور 8 جنوری 2023 کے درمیان ٹویٹر رینکنگ میں دوسرے نمبر رہا، جبکہ 9 جنوری 2023 کو ٹوئٹر نے نمبر ون پوزیشن دوبارہ حاصل کرلی۔

اسپیس ایکس اور ٹیسلا کے سربراہ ایلون مسک کے ٹوئٹر پلیٹ فارم خریدنے کے بعد ٹوئٹر کی سب سے کم درجہ بندی نومبر میں 11ویں نمبر پر دیکھی گئی تھی۔


متعلقہ خبریں