شاداب خان کا ثقلین مشتاق کی بیٹی سے نکاح ہو گیا

قومی کرکٹ ٹیم کے آل راونڈر شاداب خان کا نکاح سابق کوچ ثقلین مشتاق کی بیٹی سے ہو گیا۔

ٹی ٹوئنٹی ٹیم کے نائب کپتان شاداب خان نے ٹوئٹر پر اپنے نکاح سے متعلق بتایا۔ انہوں نے کہا کہ سب کو سلام،آج میرا نکاح تھا، میں اپنے مینٹور ثقلین مشتاق کے خاندان کا حصہ بن گیا ہوں۔

انہوں نے لکھا کہ جب سے میں نے کرکٹ شروع کی تب سے میں نے اپنے خاندانی اور نجی معاملات کو پبلک نہیں رکھا۔

ان کا کہنا تھا کہ میری اہلیہ نے بھی یہی فیصلہ کیا ہے کہ ان کی زندگی پرائیویٹ رہے۔

شاداب خان نے درخواست کی کہ ان کے مداح ان کی اس خواہش کا احترام کریں۔ انہوں نے کہا کہ اگر کوئی مجھے سلامی بھیجنا چاہتا ہے تو میں اکاونٹ نمبر دینے کو تیار ہوں۔

ٹیگز :
متعلقہ خبریں