علی امین گنڈا پور اور ان کے خاندان کے اثاثوں کی تحقیقات شروع


پشاور: نیب خیبرپختونخوا نے پاکستان تحریک انصاف کے مرکزی رہنما علی امین گنڈا پور اور ان کے خاندان کے اثاثوں کی تحقیقات شروع کردی ہے۔

عمران خان کی باتیں سن کر ذہن بنتا ہے، ایک مرتبہ گرفتار کرنا چاہیے، رانا ثنا اللہ

نیب کے پی نے ڈپٹی کمشنر ڈی آئی خان سے سابق وفاقی وزیر علی امین گنڈا پور اور ان کے خاندان کی ملکیتی جائیداد کی تفصیلات طلب کر ہیں۔

اس ضمن میں تحریر کردہ مراسلے کے تحت علی امین گنڈا پور اور ان کے بھائیوں کی رہائشی وکمرشل جائیدادوں کی تفصیلات مانگی گئی ہیں۔

تیسرا پلان، پشت پر زرداری ہے، دہشتگرد تنظیموں کو پیسہ پھینک دیا، عمران خان

تحریر کردہ مراسلے میں ڈی سی ڈی آئی خان سے کہا گیا ہے کہ وہ علی امین خاندان کے کل گیارہ افراد کے اثاثوں کی تفصیلات فراہم کرنے کے علاوہ  ہتھیالہ، کلاچی، سی پیک کے مغربی روٹ اور گومل زام ڈیم کے قریب موجود ان کی جائیدادوں کی تفصیلات بھی دیں۔

ہم نیوز سے اس حوالے سے بات چیت کرتے ہوئے فیصل امین گنڈا پور نے کہا کہ پہلے سے پیغامات آ رہے تھے کہ عمران خان سے پیچھے ہٹ جائیں لیکن ہم اصولوں پر قائم ہیں۔

علی امین گنڈا پورکےخلاف درج 13 مقدمات خارج

سابق صوبائی وزیر فیصل امین گنڈا پور نے ایک سوال کے جواب میں کہا کہ علی امین کے اسکول جانے والے بچوں کو بھی نوٹس میں شامل کیا گیا ہے حالانکہ تمام جائیدادیں سب کے سامنے ہیں، سیدھا ہی پوچھ لیتے تو ہم بتا دیتے۔


متعلقہ خبریں