پشاور: عوامی نیشنل پارٹی (اے این پی) کے سربراہ اسفند یار ولی خان نے پشاور پولیس لائنز دھماکے کی مذمت کرتے ہوئے کہا ہے کہ مسجد کے اندر بے گناہ نمازیوں کو شہید کرنے والے انسان کہلانے کی لائق نہیں ہیں۔
پشاور: پولیس لائنز مسجد میں دھماکا، 32شہید،150 سے زائد افراد زخمی
انہوں نے جاری کردہ بیان میں کہا کہ پولیس لائنز جیسی جگہ تک خودکش حملہ آور کا پہنچنا بھی سوالیہ نشان ہے۔
اسفند یارولی خان نے کہا کہ 40 سال سے جاری دہشت گردی میں وقفہ آیا لیکن غلط پالیسیوں کی وجہ سے دہشت گرد پہلے سے زیادہ منظم ہوچکے ہیں۔
خود کش حملہ آور مسجد کے اندر کیسے پہنچا؟ انکوائری ہو گی، وفاقی وزیر داخلہ
اے این پی کے سربراہ اسفند یار ولی خان نے کہا کہ خیبرپختونخوا پولیس ہمارا فخر ہے۔ انہوں نے شہدا کے درجات کی بلندی اور زخمیوں کی جلد صحتیابی کے لیے دعا کی ہے۔
