سابق وزیراعلیٰ پنجاب پرویز الہی نے کہا ہے کہ نگران حکومت صرف سیاسی مخالفیں کو کچلنے میں مصروف ہے۔
اسپیکرپنجاب اسمبلی سبطین خان سے ملاقات میں انہوں نے پولیس لائنز پشاور کی مسجد میں ہونے والے دھماکے کی شدید مذمت کی اور کہا کہپشاور دھماکے میں ملوث عناصر انسانیت کے دشمن ہیں، نگران حکومت کے آنے کے بعد امن اومان کی صورتحال خراب ہورہی ہے۔
انہوں نے کہا کہ نگران حکومت کا فوکس امن و امان اور عوامی ایشوز نہیں بلکہ انتقامی کارروائیاں ہیں اور یہ صرف سیاسی مخالفیں کو کچلنے میں مصروف ہے۔
ہم نے پی ٹی آئی میں ضم ہونے کا فیصلہ نہیں کیا، پرویز الہیٰ
پرویزالہٰی نے پنجاب اورخیبرپختونخوا میں انتخابات کی تاحال تاریخ نہ دینے پر اظہار تشویش کیا۔
ان کا کہنا تھا کہ گورنرز اورنگران سیٹ اپ اپنی آئینی ذمہ داریاں بھول کرکسی اورایجنڈے پر گامزن ہیں۔نگران سیٹ اپ ہر وہ کام کررہاہے جو اس کامینڈنٹ ہی نہیں۔
انہوں نے کہا کہ حکمران انتخابات ملتوی کرنے سےبازرہیں نہیں تو آئین شکنی کاحساب دینا پڑے گا۔