عمران خان نے مبینہ بیٹی کو ظاہر نہ کرنے پر اسلام آباد ہائیکورٹ سے نااہلی کی درخواست خارج کرنے کی استدعا کردی۔ سابق وزیراعظم نے چیف جسٹس عامر فارووق کے کیس سننے پراعتراض کردیا۔
سلمان اکرم راجہ ایڈووکیٹ کے ذریعےعمران خان کی جانب سے جمع کرائے گئے تحریری جواب میں سابق وزیر اعظم نے جسٹس عامر فاروق پر اعتراض کرتے ہوئے کہا ہے کہ نا اہلی کی درخواست نا قابل سماعت ہے۔عمران خان رکن اسمبلی نہیں رہے، اسلام آباد ہائیکورٹ مبینہ بیٹی سے متعلق ڈکلریشن کا جائزہ آئینی دائرہ اختیار میں نہیں لے سکتی، اس نوعیت کا معاملہ متعلقہ فورم پر قابل ہو سکتا ہے۔
چیف جسٹس عامر فاروق ماضی میں عمران خان کیخلاف اس نوعیت کا کیس سننے سے انکار کر چکے ہیں، یہ مسلمہ اصول ہے ایک بار جج کیس سے سننے سے انکار کردیں تو جج دوبارہ وہ کیس سنےغیر مناسب ہے، استدعا ہے کہ نا اہلی کی درخواست خارج کی جائے۔
