سپریم کورٹ کے جج جسٹس قاضی فائزعیسیٰ نے کہا ہے کہ کبھی مذاکرات تو کبھی یہ دو وہ دو، اس دوران ریاست کہاں ہے؟ دہشتگردوں سے مذاکرات کیوں کئے جارہے ہیں۔
پشاوردھماکے کے حوالے سے اہم ریمارکس دیتے ہوئے جسٹس قاضی فائزعیسیٰ نے کہا کہ دہشتگردوں سےکب تک ڈریں گے؟ کبھی مذاکرات تو کبھی یہ دو وہ دو،،اس دوران ریاست کہاں ہے؟دہشتگردوں سے مذاکرات کیوں کئے جارہے ہیں۔
جسٹس قاضی فائز عیسیٰ نے ایک کیس کی سماعت کے دوران ریمارکس دیئے کہ آج دہشتگرد دو بندے ماریں گے کل کو پانچ بندے مار دیں گے، پتہ نہیں ہم کس معاشرے میں رہ رہے ہیں، ایک جج نے دہشتگردی کے واقعہ پر رپورٹ دی اس کو ردی کی ٹوکری میں پھینک دیا گیا۔
انہوں نے کہا کہ ہمارے ایک جج کو مار دیا گیا کسی کو پرواہ ہی نہیں۔
