پشاور: پولیس لائن پشاور کی مسجد میں ہونے والے دھماکے کا مقدمہ تھانہ محکمہ انسداد دہشت گردی (سی ٹی ڈی) میں درج کرلیا گیا ہے۔
امید ہے وزیر اعظم آپریشن ضرب عضب جیسا فیصلہ کریں گے، خواجہ آصف
اس ضمن میں پولیس کا کہنا ہے کہ مقدمہ ایس ایچ او شرقی کی مدعیت میں درج کیا گیا ہے، ایف آئی آر میں دہشت گردی اور قتل کی دفعات شامل کی گئی ہیں۔
واضح رہے کہ 30 جنوری کو پشاور پولیس لائن کی مسجد میں خودکش دھماکہ ہوا تھا جس میں اب تک 101 افراد شہید ہوچکے ہیں جبکہ 200 کے قریب افراد زخمی ہوئے تھے جن میں سے 49 زخمی زیر علاج ہیں، لیڈی ریڈنگ اسپتال میں زیر علاج زخمیوں میں سے سات آئی سی یو میں ہیں۔
پولیس لائن خود کش دھماکے کی تحقیقات کے لیے حکومت کی جانب سےمشترکہ تحقیقاتی ٹیم (جے آئی ٹی) قائم کی گئی ہے۔
آپ نے ہمیں مرنے کیلئے رکھا ہوا ہے؟ نور عالم خان قومی اسمبلی میں برہم
پولیس ذرائع کے مطابق جائے وقوع سے ملنے والے ثبوت و شواہد فارنزک کے لیے صوبہ پنجاب کی لیبارٹری میں بھجوا دیے گئے ہیں۔
خود کش دھماکے کے بعد پولیس لائن میں سیکیورٹی بڑھا دی گئی جب کہ مزید سی سی ٹی وی کیمرے بھی نصب کیے گئے ہیں۔
پشاور سانحہ کے ذمہ داروں کو انصاف کے کٹہرے میں لایا جائے گا،آرمی چیف
پولیس لائنز میں اب چیکنگ ایک کے بجائے 3 مقامات پر ہوگی۔ اسی طرح فیلڈ انٹیلی جنس یونٹ بھی قائم کردیا گیا ہے۔
