اسلام آباد: الیکشن کمیشن آف پاکستان (ای سی پی) نے قومی اسمبلی کی مزید 31 نشستوں پر ضمنی انتخابات کے لیے شیڈول جاری کردیا ہے۔
دہشت گردی کی ہر قسم و شکل کیلئے زیرو ٹالرنس ہو گا، اپیکس کمیٹی
ای سی پی کے جاری کردہ اعلامیے کے مطابق قومی اسمبلی کی 31 نشستوں پر ضمنی الیکشن 19 مارچ کو ہوگا۔
جاری کردہ اعلامیے کے تحت کاغذات نامزدگی 10 سے 14 فروری تک جمع کرائے جاسکیں گے جب کہ نامزدگی کی جانچ پڑتال 18 فروری تک ہوگی۔
اعلامیے کے مطابق کاغذات نامزدگی پر اپیلیں 22 فروری تک جمع کرائی جائیں گی جب کہ الیکشن ٹریبونلز 27 فروری تک اپیلوں پر فیصلے کریں گے، کاغذات نامزدگی یکم مارچ تک واپس لیے جاسکیں گے جس کے بعد امیدواروں کو انتخابی نشانات 2 مارچ کو الاٹ کیے جائیں گے۔
گورنر کو چھوڑیں، الیکشن کمیشن انتخابات کی تاریخ دے دے، لاہور ہائیکورٹ
الیکشن کمیشن کے مطابق این اے 5، 6 اور 7 لوئر دیر، این اے 8 مالاکنڈ، این اے 9 بونیر اور این اے 16 ایبٹ آباد میں ضمنی الیکشن ہوں گے، جب کہ این اے 19 صوابی، 20 مردان، 28 اور 30 پشاور میں ضمنی الیکشن ہو گا۔
جاری کردہ اعلامیے کے تحت این اے 34 کرک، 40 باجوڑ، 42 مہمند، 44 خیبر اور این اے 61 راولپنڈی میں ضمنی الیکشن ہو گا جب کہ این اے 70 گجرات، 87 حافظ آباد، 93 خوشاب، 96 میانوالی، 107 اور 109 فیصل آباد میں ضمنی الیکشن ہوگا۔
پیٹرول، ڈیزل اور بجلی مزید مہنگے ہونے کا امکان
ای سی پی اعلامیے کے مطابق این اے 135 لاہور، 150 اور 152 خانیوال، 158 ملتان، 164 اور 165 وہاڑی میں بھی ضمنی الیکشن ہو گا۔
