الیکشن کمیشن آف پاکستان نے پنجاب اور خیبرپختونخوا میں شفاف الیکشن کے انعقاد کیلئے تمام بلدیاتی نمائندوں کو معطل کردیا ہے۔
رپورٹ کے مطابق الیکشن کمیشن کی جانب سے آرٹیکل (3) 218 اور الیکشن ایکٹ 2017 کے سیکشن 3 اور 8 کے تحت ہدایات جاری کی گئی ہیں۔
واضح رہے قومی اسمبلی کی 83 نشستوں پر ضمنی جبکہ پنجاب اور خیبرپختونخوا اسمبلوں کے عام انتخابات کی تیاریوں پر غور کےلیے چیف الیکشن کمشنر سکندر سلطان راجہ کی زیر صدارت اجلاس میں ملکی صورتحال کے تناظر میں جائزہ لیا گیا۔
یہ بھی پڑھیں: گورنر کو چھوڑیں، الیکشن کمیشن انتخابات کی تاریخ دے دے، لاہور ہائیکورٹ
اجلاس میں شفاف انتخابات کا انعقاد یقینی بنانے کیلئے جوڈیشل افسران کی بطور آر اوز خدمات حاصل کرنے کا فیصلہ بھی ہوگیا۔ بتایا گیا کہ اس حوالے سے لاہور اور پشاور ہائیکورٹس کو خطوط ارسال کردیے گئے ہیں۔
انتخابی ضابطہ اخلاق طے کرنے کیلئے الیکشن کمیشن نے سیاسی جماعتوں کا اجلاس بھی نو فروری کو طلب کر رکھا ہے۔
