پاکستان ٹیلی کمیونکیشن اتھارٹی نے غیر قانونی مواد نہ ہٹانے پر پاکستان میں انسائیکلو پیڈیا ویب سائٹ ’وکی پیڈیا‘ کو بلاک کردیا ہے۔
ترجمان پی ٹی اے کے مطابق عدالتی حکم کے تحت نوٹس جاری کر کے توہین آمیز مواد ہٹانے کے لیے وکی پیڈیا سے رابطہ کیا گیا تھا اور اسے رپورٹ کردہ مواد کو ہٹانے کی ہدایت دی گئی تھی۔ تاہم وکی پیڈیا نے توہین آمیز مواد ہٹانے کی تعمیل کی اور نہ ہی اتھارٹی کے سامنے پیش ہوئے۔
Wikipedia was approached for blocking/removal of the said contents by issuing a notice under applicable law & court order(s). An opportunity of hearing was also provided, however, the platform neither complied by removing the blasphemous content nor appeared before the Authority. pic.twitter.com/6dWRcbxHGB
— PTA (@PTAofficialpk) February 1, 2023
وکی پیڈیا کی جانب سے پی ٹی اے کی ہدایت کی تعمیل نہ کرنے کی صورت میں پلیٹ فارم کو پاکستان کے اندر بلاک کیا گیا، پی ٹی اے کا کہنا تھا کہ غیر قانونی مواد کوہٹانے کے بعد ویب سائٹ پر سے پابندیاں اٹھائے جانے پر دوبارہ غور کیا جائے گا۔
گزشتہ روز وکی پیڈیا چلانے والے فلاحی ادارے وکی میڈیا فاؤنڈیشن نے اپنا موقف دیتے ہوئے کہا کہ ہم سمجھتے ہیں کہ علم تک رسائی ایک انسانی حق ہے، پاکستان میں وکی پیڈیا کا بلاک ہونا دنیا کی پانچویں سب سے زیادہ آبادی والے ملک کی سب سے بڑے مفت علم کے ذخیرے تک رسائی سے روکتا ہے جو اگر جاری رہا تو یہ سب کو پاکستان کی تاریخ اور ثقافت تک رسائی سے محروم کردے گا۔
Wikipedia has been blocked in Pakistan.
Today, Pakistan’s Telecommunications Authority blocked @Wikipedia and other Wikimedia projects in the country.
Follow the thread for more information 🧵⬇️ (1/4)https://t.co/8xM73if9B2
— Wikimedia Foundation (@Wikimedia) February 4, 2023