وزیر اعظم شہباز شریف نے اپنی کابینہ میں مزید 5 معاونیں خصوصی کا اضافہ کر دیا۔
کابینہ ڈویژن نے معاونین خصوصی کی تعیناتیوں کا نوٹیفکیشن جاری کر دیا ہے جس کے بعد کابینہ ارکان کی تعداد 83 ہوگئی ہے۔
نوٹیفکیشن کے مطابق رکن قومی اسمبلی راؤ اجمل، شائستہ پرویز، قیصرشیخ، محمد حامد حمید اور ملک سہیل خان کو وزیراعظم کا معاون خصوصی تعینات کیا گیا ہے۔
وہاب ریاض بھی پنجاب کی نگران کابینہ میں شامل
نوٹیفکیشن کے مطابق تمام 5 نئے معاونین خصوصی کا عہدہ وزیر مملکت کے برابر ہوگا جنہیں کوئی قلمدان نہیں دیا گیا جب کہ یہ بلامعاوضہ کام کریں گے۔
واضح رہے کہ وزیراعظم شہباز شریف کی کابینہ میں 34 وزراء، 7 وزرائے مملکت، 38 معاونین خصوصی اور 4 مشیر شامل ہیں۔
