میرا گانا پی ایس ایل کے آفیشل نغمے سے بہتر ہے، چاہت فتح علی خان


سوشل میڈیا سے شہرت پانے والے گلوکار چاہت فتح علی خان نے دعویٰ کیا ہے کہ ان کا گانا پی ایس ایل کے آفیشل نغمے سے بہتر ہے۔

ایک انٹرویو میں انہوں نے کہا کہ اللہ کا کرم ہے، سوشل میڈیا پر میرے گانے کو زیادہ پذیرائی ملی ہے، پی ایس ایل کا آفیشل گانا بھی بہت اچھا ہے مگر اس میں وہ ہی پرانا اسٹائل ہے۔

ان کا کہنا تھا کہ ہماری فیلڈ ایسی ہے کہ ہمیں پیار کرنے والے لوگ نئی نئی چیزیں دیکھنا چاہتے ہیں۔

اگر بھارت پاکستان میں نہیں کھیلنا چاہتا تو جہنم میں جائے، جاوید میانداد

انہوں نے کہا کہ میرے گانے کے بول بہت آسان ہیں جسے بچے بھی آسانی سے سمجھ سکتے ہیں۔

چاہت فتح علی خان نے کہا کہ میں سات سال پہلے گلوکاری کے میدان میں قدم رکھا اور خوب محنت کی، میرے چھ گانے آ چکے ہیں جو سب ہٹ ہوئے مگر پی ایس ایل کا گانا ان سب میں بہت مقبول ہوا ہے۔


متعلقہ خبریں