اسلام آباد: وفاقی دارالحکومت اسلام آباد کے ایف نائن پارک میں خاتون سے مبینہ زیادتی کے دو ملزمان گرفتار کر لیے گئے ہیں، یہ دعویٰ پولیس نے کیا ہے۔
اسلام آباد ،ایف نائن پارک میں خاتون کیساتھ مبینہ زیادتی
اسلام آباد پولیس نے اس حوالے سے کہا ہے کہ ملزمان کو تھانہ گولڑہ کی حدود سے گرفتار کیا گیا ہے، پولیس کی جانب سے اس ضمن میں یہ دعویٰ بھی کیا گیا ہے کہ ابتدائی تحقیقات میں گرفتار ملزمان نے اپنے جرم کا اعتراف کر لیا ہے۔
واضح رہے کہ تقریباً دو ہفتے قبل ایف نائن پارک میں خاتون کے ساتھ ہونے والی مبینہ زیادتی کا مقدمہ تھانہ مارگلہ میں درج کیا گیا تھا۔
اسلام آباد:ایف نائن پارک میں ڈکیتی پر مزاحمت، فائرنگ سے فوڈ پانڈا منیجر قتل
پولیس نے اس حوالے سے کہا تھا کہ متاثرہ خاتون دوست کے ساتھ ایف نائن پارک میں تھیں جہاں اسلحے کی نوک پر دو ملزمان نے یرغمال بنا کر زیادتی کا نشانہ بنایا۔
