اسلام آباد: کراچی پولیس آفس پر دہشت گردوں کے حملے کے بعد وفاقی دارالحکومت اسلام آباد میں بھی سیکیورٹی ہائی الرٹ کردی گئی ہے۔
کراچی پولیس آفس میں کلیئرنس آپریشن مکمل ، تین دہشت گرد مارے گئے
اس حوالے سے اسلام آباد پولیس کے ترجمان نے بتایا ہے کہ سیکیورٹی ہائی الرٹ کرنے کے بعد تمام متعلقہ افسران کو اپنے علاقوں میں رہنے کی ہدایت کی گئی ہے۔
ترجمان اسلام آباد پولیس کے مطابق وفاقی دارالحکومت کے تمام داخلی و خارجی راستوں پر نہ صرف چیکنگ کو بڑھا دیا گیا ہے بلکہ شہر کے اندر بھی جاری چیکنگ کا عمل مزید سخت کردیا گیا ہے۔
آئی جی اسلام آباد کی جانب سے پولیس کو ہدایت کی ہے کہ وہ سرکاری گاڑیوں کو بھی چیکنگ سے استشنیٰ نہ دیں اور ان کی بھی چیکنگ کی جائے جب کہ شہر کی تمام اہم عمارات سمیت ریڈ زون میں سیکیورٹی کو مکمل طور پر ہائی الرٹ رکھا جائے۔
ایپکس کمیٹی کے فیصلوں پر عمل درآمد یقینی بنایا جائے، سیکیورٹی لیپس برداشت نہیں ہو گا، وزیر اعظم
اسلام آباد پولیس کے ترجمان نے تمام شہریوں سے کہا ہے کہ وہ دوران سفر ضروری شناختی دستاویزات اپنے ہمراہ رکھیں تاکہ کسی بھی قسم کی پریشانی کا شکار نہ ہوں۔
