پاکستان تحریک انصاف کی جیل بھرو تحریک کے تیسرے روز راولپنڈی میں پی ٹی آئی رہنماوں اور کارکنان نے گرفتاریاں دے دیں۔
راولپنڈی کے کمیٹی چوک پر پی ٹی آئی رہنما اور کارکنان جمع ہوگئے۔ فیاض الحسن چوہان نے سب سے پہلے کارکنان کے ہمراہ خود کوگرفتاری کے لیے پیش کیا۔
Jail Bharo movement in Rawalpindi has started. @Fayazchohanpti has given his voluntary arrest! #جیل_بھرو_خوف_کے_بت_توڑو pic.twitter.com/AvVcbAmRT4
— PTI (@PTIofficial) February 24, 2023
گرفتاری دیتے وقت فیاض الحسن چوہان کا کہنا تھا کہ راولپنڈی میں پہلی گرفتاری دے رہا ہوں۔ میرے گھر سے کوئی فرد التجائیں اور درخواستیں نہیں کرے گا۔
گرفتاری پیش۔#JailBharoTehreek pic.twitter.com/wBDu5U09lk
— Fayaz ul Hassan Chohan (@Fayazchohanpti) February 24, 2023
ذولفی بخاری ،عامر محمود کیانی، غلام سرور ،شیخ رشید اور راشد شفیق بھی کمیٹی چوک پہنچ گئے۔عوامی مسلم لیگ کے سربراہ شیخ رشید نے جیل بھرو تحریک میں گرفتاری دینے کا اعلان کیا ہے۔
ان کا کہنا ہے کہ 6 ایم این ایز اور 14 ایم پی اے خود پہلے گرفتاریاں دیں گے۔ پاکستان کے لیے اگلے 72 گھنٹے اہم ہیں، کسی کا باپ بھی اب الیکشن نہیں روک سکتا۔