شمالی وزیرستان میں فورسزاور دہشت گردوں میں جھڑپ کے دوران2 دہشت گرد ہلاک جبکہ 2 جوان شہید ہو گئے۔
شمالی وزیرستان میں سپن وام کے علاقے میں فورسز اور دہشتگردوں میں جھڑپ ہوئی ہے۔ آئی ایس پی آر کے مطابق فوجی دستوں نے دہشت گردوں کے خلاف مؤثر کارروائی کی۔
یہ بھی پڑھیں: شمالی وزیرستان میں فورسز کی کارروائی، 2 دہشتگرد ہلاک
آئی ایس پی آر کے مطابق کارروائی کے دوران دو دہشت گرد ہلاک ہو گئے جب کہ دو کو گرفتار کر لیا گیا۔ فائرنگ کے نتیجے میں 2 جوان شہید ہوگئے۔
پاک فوج کے شعبہ تعلقات عامہ کا کہنا ہے کہ دہشتگردوں سے اسلحہ اور گولہ بارود برآمد ہوا۔ شہدا میں 25 سالہ سپاہی عمران اللہ اور 21 سالہ سپاہی افضل خان شامل ہیں۔ دہشت گرد سیکورٹی فورسز اور شہریوں پر حملے میں ملوث تھے۔
