عمران خان کی ممکنہ گرفتاری، اسلام آباد پولیس کی ٹیمیں لاہور پہنچ گئیں

اسلام آباد پولیس کی ٹیمیں عمران خان کو گرفتار کرنے کے لیے لاہور پہنچ گئیں۔

اسلام آباد پولیس کی بھاری نفری عمران خان کی ممکنہ گرفتاری کے لیےلاہور پہنچ گئیں۔اسلام آبادپولیس کا کہنا ہے کہ  عدالت کے حکم پرعمران خان کی گرفتاری کیلئے لاہور پہنچی ہے۔عمران خان کو عدالت کے حکم پر گرفتار کیا جائے گا۔

اسلام آباد پولیس نے کہا ہے کہ عمران خان اگر عدالت نہیں آتے ہیں تو گرفتار کیا جائے گا۔پی ٹی آئی قیادت سے رابطہ کررہے ہیں۔ہم عدالتی نوٹس لے کر پہنچے ہیں ۔

ترجمان پولیس اسلام آباد کی جانب سے جاری بیان میں کہا  گیا ہے کہ لاہور پولیس کے تعاون سے تمام کارروائی مکمل کی جارہی ہے۔عدالتی احکامات کی تکمیل میں رکاوٹ ڈالنے والوں کیخلاف قانونی کارروائی کی جائے گی۔اسلام آباد پولیس اپنی حفاظت میں عمران خان کو اسلام آباد منتقل کرے گی ،ترجمان
قانون سب کے لیے برابر ہے۔

عمران خان توشہ خانہ کیس میں مسلسل غیر حاضر رہے۔ عدالت نے مسلسل غیر حاضری پر  ناقابل ضمانت وارنٹ گرفتاری جاری کیے گئے۔

رہنما پی ٹی آئی  فواد چودھری کا کہنا ہے کہ عمران خان کی گرفتاری کی کوشش حالات کو شدید خراب کر دے گی۔نااہل حکومت کو خبردار کرتا ہوں وہ پاکستان کو مزید بحران میں نہ دھکیلیں۔حکومت ہوش سے کام لیں۔

عمران خان کی گرفتاری کی کوئ بھی کوشش حالات کو شدید خراب کر دے گی، میں اس نا اھل اور پاکستان دشمن حکومت کو خبردار کرنا چاہ رہا پاکستان کو مزید بحران میں نہ دھکیلیں اور ہوش سے کام لیں، کارکنان زمان پارک پہنچ جائیں

— Ch Fawad Hussain (@fawadchaudhry) March 5, 2023

حماد اظہر نے کارکنان کو زمان پارک پہنچنے کی اپیل کردی۔  عمران خان کی ممکنہ گررفتاری کی خبر کے ساتھ تحریک انصاف کے کارکنان زمان پارک پہنچنا شروع ہو گئے۔

تمام کارکن فوری طور پر زمان پارک پہنچیں۔

— Hammad Azhar (@Hammad_Azhar) March 5, 2023