اسلام آباد: پاکستان الیکٹرونک میڈیا ریگولیٹری اتھارٹی (پیمرا) نے چیئرمین پی ٹی آئی عمران خان کی تقاریر و بیانات، براڈ کاسٹ اور ٹیلی کاسٹ پر پابندی عائد کردی ہے۔
عمران خان کو عدالتوں میں بذریعہ ویڈیو لنک پیش ہونے کی اجازت دی جائے، پی ٹی آئی کا چیف جسٹس کو خط
اس حوالے سے پیمرا کے جاری کردہ احکامات کے مطابق ٹی وی چینلز عمران خان کا براہ راست، ریکارڈڈ بیان اور تقاریر نشر نہیں کرسکتے، پیمرا نے عمران خان کی تقاریر و بیانات پرپابندی سےمتعلق سیٹلائٹ چینلز کو احکامات جاری کیے ہیں۔
مجھے راستے ہٹانے کی کوشش کی جا رہی ہے، چیف جسٹس کو خط لکھ رہا ہوں، عمران خان
جاری کردہ نوٹیفکیشن میں کہا گیا ہے کہ عمران خان مسلسل ریاستی اداروں کےخلاف بے بنیاد الزامات لگا رہے ہیں، عمران خان کی تقاریر، بیانات پر پابندی کا اطلاق فوری طور پر ہو گا۔
نوٹی فکیشن کے مطابق عمران خان کی تقاریر براہ راست یا ریکارڈڈ نہیں چلائی جائیں گی، عمران خان کی گفتگو سے امن وامان کی صورتحال خراب ہو سکتی ہے۔
نوازشریف تھوڑی سی بہادری عمران خان کو ادھار دے دیں، مریم نواز کا طنز
پیمرا کے جاری کردہ نوٹی فکیشن کے مطابق عمران خان اشتعال انگیز بیانات کے ذریعے ریاستی اداروں، افسران کے خلاف نفرت پھیلا رہے ہیں، عمران خان کا بیان، گفتگو یا خطاب لائیو یا ریکارڈ ٹی وی چینلز نشر نہیں کر سکتے۔
