لاہور: پاکستان تحریک انصاف نے پارٹی چیئرمین عمران خان کی تقاریر و بیانات نشر کرنے پر عائد کردہ پابندی عدالت میں چیلنج کرنے کا اعلان کردیا ہے۔
پیمرا نے عمران خان کی تقاریر و بیانات نشر کرنے پر پابندی عائد کردی
پی ٹی آئی کے ہیڈ آف میڈیا افیئرز فواد چودھری نے اس حوالے سے کہا ہے کہ حکومت نےعمران خان کی تقاریر اور بیانات کو ٹی وی پرچلانے پہ پابندی عائد کی ہے۔
انہوں نے کہا کہ عمران خان کی تقریر پر پابندی کے حکم کو عدالت میں چیلنج کریں گے، تقاریر پر پابندی لگا کر عمران خان کی آوازدبانے کی کوشش کی گئی ہے۔
عمران خان کو عدالتوں میں بذریعہ ویڈیو لنک پیش ہونے کی اجازت دی جائے، پی ٹی آئی کا چیف جسٹس کو خط
سابق وفاقی وزیر برائے اطلاعات و نشریات فواد چودھری نے کہا کہ ٹھگوں کی حکومت مکمل گھبرا چکی ہے۔
