سان فرانسسکو: دنیا کے مقبول ترین سوشل میڈیا ایپ فیس بک نے کئی نئے فیچرز کا اضافہ کر دیا۔
غیر ملکی خبر رساں ایجنسی کے مطابق میٹا کمپنی نے فیس بک ریل کا ٹائم بڑھانے اور میموریز سے منسلک کرنے کا اعلان کر دیا۔ جس کے مطابق صارفین اب فیس بک کی ریلز 90 سکینڈ تک پوسٹ کر سکیں گے۔
یہ بالکل اسی طرح سے ہو گا جس طرح فیس بک ہماری پوسٹس کی یاد دہانی کرواتا ہے۔
میٹا نے ریل کے لحاظ سے ویڈیوز میں میوزک شامل کرنے کے لیے “گرووز” نامی فچر بھی متعارف کرایا ہے اور فیچر کے لیے ویژول بیٹ ٹیکنالوجی کو استعمال کیا گیا ہے۔
نئے ٹیمپلیٹس کے ساتھ ریل کو مزید دلکش بھی بنایا جا سکتا ہے۔
یہ بھی پڑھیں: گوگل نے 6000 سے زائد یوٹیوب چینل ہٹادیئے
میٹا کے اس عمل کو سراہتے ہوئے تجزیہ کاروں کا کہنا ہے کہ لاکھوں صارفین روزانہ اپنی یادیں بھی ریلز کی صورت میں پوسٹ کرتی ہیں اور اس سے فیس بک ایپ میں ریلز کی بدولت مزید لوگوں کو شامل کیا جاسکتا ہے۔
