بچھو نے کاٹ لیا تھا، موت کے منہ سے واپس آئی، مائرہ خان


لاہور: پاکستانی اداکارہ مائرہ خان نے کہا ہے کہ شوٹنگ کے دوران انہیں بچھو نے کاٹ لیا تھا اور وہ موت کے منہ سے واپس آئی ہیں۔

اداکارہ مائرہ خان نے اپنے ایک انٹرویو میں ذاتی زندگی سے متعلق بات کرتے ہوئے کہا کہ وہ 2 مرتبہ خطرناک حادثوں کا شکار ہو کر موت کے منہ سے واپس آئی ہیں۔

وہ ایک فلم کی شوٹنگ کے لیے سوات کے ایک قبرستان میں موجود تھیں کہ انہیں کسی چیز نے کاٹ لیا جس کے بعد مجھے فوری طور پر اسپتال منتقل کیا گیا جہاں معلوم ہوا کہ خطرناک کالے بچھو نے کاٹ لیا ہے۔

انہوں نے کہا کہ مجھے لگ رہا تھا کہ میں مر جاؤں گی اور یہ میرا آخری وقت ہے۔

یہ بھی پڑھیں: امیتابھ بچن خطرناک حادثے کا شکار، شدید زخمی ہو گئے

مائرہ خان نے کہا کہ اسی مہینے ان کے ساتھ ایک اور خطرناک حادثہ پیش آیا جب سوات سے واپسی پر پہاڑی اور کھائی کے درمیان گاڑی کے بریک فیل ہو گئے تھے۔ گاڑی پہاڑی پر چڑھانی پڑی جہاں سے گاڑی پلٹی تو مجھے ایسا محسوس ہوا کہ میں مر چکی ہیں۔


متعلقہ خبریں