بیجنگ: چینی وزیر خارجہ چن کینگ نے امریکہ کو دھمکی دیتے ہوئے کہا کہ اگر اس نے اپنی روش نہ بدلی تو تصادم ہو سکتا ہے۔
چینی وزیر خارجہ چن کینگ نے پریس کانفرنس کرتے ہوئے کہا کہ امریکہ مقابلے کے بجائے چین کے خلاف بغض سے بھری مہم چلا رہا ہے اور اگر اس نے اپنا یہ رویہ نہ بدلا تو خطرناک نتائج برآمد ہو سکتے ہیں۔
انہوں نے کہا کہ واشنگٹن اور بیجنگ کے درمیان کشیدگی کا باعث امریکہ ہے اور اس کا اختتام تصادم کی صورت اختیار کر سکتا ہے۔ امریکہ کی جانب سے کشیدگی کو ہوا دینے کی کوششوں کو نظر انداز نہیں کیا جا سکتا۔
یہ بھی پڑھیں: مسجد اقصیٰ پر اسرائیلی آباد کاروں کا دھاوا، 6 فلسطینی شہید، 11 زخمی
چن کینگ نے کہا کہ چین کے حوالے سے امریکہ کے خیالات انتہائی خراب ہیں اور وہ چین کو اپنا ایک بڑا حریف اور چیلنج سمجھ بیٹھا ہے۔ امریکہ کا چین کے حوالے سے رویہ درست نہیں ہے۔
انہوں نے کہا کہ امریکہ قانون کی حکمرانی کی بات تو کرتا ہے لیکن وہ خود قانون پر عمل نہیں کرتا۔
