لاہور: پولیس نے زمان پارک کے آنے جانے والے راستوں کا کنٹرول سنبھال لیا ہے۔
پولیس عمران خان کو جلد گرفتار کرنا چاہتی ہے، پولیس اور پی ٹی آئی کارکنوں میں جھڑپیں بند ہو گئی تھیں لیکن پولیس کے پیش قدمی کرنے پر حالات دوبارہ کشیدہ ہو گئے ہیں۔
تحریک انصاف کے کارکنوں کی جانب سے پولیس اور رینجرز کی گاڑیوں پر پتھراؤ کیا جا رہا ہے۔ پولیس عمران خان کو گرفتار کرنا چاہتی ہے لیکن پی ٹی آئی کارکن انہیں ایسا کرنے سے روکے ہوئے ہیں۔
گزشتہ روز سے زمان پارک میدان جنگ بنا ہوا ہے، اس دوران کئی پولیس اہلکار اور پی ٹی آئی کارکن زخمی بھی ہوئے ہیں۔
زمان پارک کے قرب و جوار میں انٹرنیٹ سروس بھی بند کر دی گئی ہے۔
