اسلام آباد: چیئرمین پاکستان تحریک انصاف (پی ٹی آئی) عمران خان کی پیشی کے موقع پر جوڈیشل کمپلیکس کے اطراف کنٹینرز لگا دیئے گئے۔
چیئرمین پی ٹی آئی عمران خان کی آج توشہ خانہ کیس میں جوڈیشل کمپلیکس پیشی کے موقع پر دفعہ 144 نافذ کر دی گئی ہے جبکہ جوڈیشل کمپلیکس جانے والے تمام راستے کنٹینرز لگا کر سیل کر دیئے گئے ہیں۔
اسلام آباد پولیس نے پی ٹی آئی کارکنان کی جانب سے ریلی نکالنے اور اشتعال انگیزی پھیلانے والوں کے خلاف مقدمہ درج کرنے کا بھی فیصلہ کیا ہے۔
یہ بھی پڑھیں: اسلام آباد میں موبائل فون سروس بند کرنے کا فیصلہ ؟
آئی جی اسلام آباد نے جوڈیشل کمپلیکس کے اطراف سیکیورٹی مزید سخت کرنے کا حکم دے دیا ہے جبکہ جوڈیشل کمپلیکس میں عمران خان اور وکلاء کی علاوہ کسی کو داخلے کی اجازت نہیں ہو گی۔
دوسری جانب پی ٹی آئی رہنما اسد عمر نے دعویٰ کیا ہے کہ عمران خان کی پیشی کے موقع پر موبائل سروس بھی بند رکھی جائے گی۔
