اسلام آباد: سعودی اور پاکستان میں یکم رمضان ایک ہی روز ہونے کا امکان، محکمہ موسمیات نے آج چاند نظر آنے کی پیشگوئی کر دی۔
سعودی عرب میں گزشتہ روز رمضان المبارک کا چاند نظر نہیں آیا، سعودی عرب میں یکم رمضان المبارک 23 مارچ بروز جمعرات کو ہو گی۔
پاکستان میں آج رمضان کا چاند نظر آنے کا امکان ہے، محکمہ موسمیات کی پیشگوئی کے مطابق رمضان المبارک کے چاند کی پیدائش 21 مارچ کی شب دس بج کر 23 منٹ پر ہو گی۔
یہ بھی پڑھیں: رمضان کا چاند، مفتی شہاب الدین نے اہم اعلان کر دیا
22 مارچ کو مغرب کے وقت چاند کی عمر بیس گھنٹے سے زائد ہو گی، محکمہ موسمیات کے مطابق سورج 6 بج کر 41 منٹ پر غروب جبکہ چاند 7 بج کر 32 منٹ پر غروب ہو گا۔
اس طرح پاکستان میں چاند نظر آنے کا امکانات زیادہ ہیں۔
