مسلم لیگ ن کی چیف آرگنائزر مریم نواز کے مالی اثاثوں کی تفصیلات سامنے آ گئیں۔
مریم نواز نے مالی اثاثوں کی تفصیلات اپنے کاغذات نامزدگی کے ساتھ جمع کرائیں ہیں جن کے مطابق مریم نواز 84 کروڑ 25 لاکھ روپے سے زائد اثاثوں کی مالک ہیں۔
وہ 2 کروڑ 89 لاکھ روپے سے زائد کی مقروض ہیں۔ انہوں نے یہ قرض اپنے بھائی حسن نواز لے رکھا ہے۔
مریم نواز کے شوہر کیپٹن (ر) صفدر بھی دوستوں کے 6 کروڑ روپے کے مقروض ہیں۔ وہ رائیونڈ کے علاقے میں ایک ہزار چار سو کنال سےزائد اراضی کی مالک ہیں۔ان کی بیرون ملک کوئی جائیداد نہیں۔
دستاویزات کے مطابق مریم نواز نے 3 برس میں ایک کروڑ 90 لاکھ روپے سے زائد زرعی آمدن ظاہر کی اور اس زرعی اراضی سے آمدن پر 12 لاکھ روپے سے زائد ٹیکس ادا کیا۔
عمران خان کو عدم استحکام کیلئے لانچ کیا گیا، انارکی پھیلانے کیلئے پنجاب اسمبلی توڑی گئی، مریم نواز
مریم نواز نے حدیبیہ پیپر ملز میں 54 لاکھ 69 ہزار روپے جب کہ محمد بخش ٹیکسٹائل ملز میں 48 لاکھ 21 ہزار روپے کے شئیرز خرید رکھے ہیں۔
دستاویزات کے مطابق مریم نواز حمزہ اسپننگ ملز میں 16 لاکھ جب کہ جنید پولٹری فارمز میں 90 ہزار روپے مالیت شئیرز کی مالک ہیں۔ان کے پاس اپنی ذاتی گاڑی نہیں ہے۔
مریم نواز کے بینک اکاونٹس میں 78 لاکھ روپےسے زائد کی رقم موجود ہے۔انہوں نے کاغذات نامزدگی میں تعلیمی قابلیت ایم اے انگلش لٹریچر ظاہر کی ہے۔
ہم نیوز اس معاملے پر مریم نوازسے موقف لینے کی کوشش کر رہا ہے۔
