ریحام خان نے ٹویٹر پر دفاعی محاذ کھول لیا، لفظی گولہ باری جاری

اسلام آباد: عمران خان کی سابقہ اہلیہ ریحام خان کی کتاب کے حوالے سے سوشل میڈیا  پر بیانات کی جنگ اور لفظوں کی گولہ باری جاری ہے، ریحام خان نے ٹویٹر پر دفاعی محاذ کھول لیا ہے اور پیسے لینے کے الزام کا بھرپور جواب دے رہی ہیں، انہوں نے دبے الفاظ میں گلوکار سلمان خان کی کھنچائی بھی کر دی۔

سماجی رابطے کی سائٹ پر اپنے ٹویٹ میں انہوں نے کہا کہ ایک کنگال بیچارہ جس کو ہم بچپن سے دیکھ  رہے ہیں اور ابھی تک بھائی صاحب گانا سیکھ نہیں پائے، ان سے میں پیسے مانگوں گی؟

گلوکار سلمان احمد ریحام خان کا اشارہ سمجھ  گئے اور جوابی کارروائی میں انہیں اخلاقی کرپٹ اور منافق کہہ ڈالا۔

ریحام خان نے کتاب لکھنے کے دعوے دار کو خوب جواب دیا اور جوابی ٹویٹ کیا کہ آپ کو میں اپنا کلرک بھی نہ رکھوں۔

پیپلزپارٹی کے رہنما نثار کھوڑو بھی اس محفل میں کود پڑے اور ریحام خان کی کتاب کی کاپی کا تقاضہ کر ڈالا، انہوں نے کہا کہ اگر کسی کے پاس کاپی ہے تو مجھے بھی دیں۔

اس سے ظاہر ہوتا ہے کہ ریحام کی کتاب آنے سے پہلے ہی مشہور ہو گئی ہے۔

متعلقہ خبریں

ٹاپ اسٹوریز