تھر سے کوئلہ نکلنا اہل سندھ کے لیے خوشخبری ہے، مراد علی شاہ

کراچی: سابق وزیراعلیٰ سندھ مراد علی شاہ نے کہا ہے کہ ہم تھر کے ”بلیک گولڈ” تک پہنچ گئے ہیں۔

سماجی رابطے کی  ویب سائٹ  پر اپنی ایک ٹویٹ میں انہوں نے دعویٰ کیا کہ  تھر سے کوئلے کی دریافت شہید محترمہ بے نظیر بھٹو کے وژن کا تسلسل ہے، انہوں نے کہا کہ سندھ کے باسیوں کے لئے آج بہت بڑا دن ہے۔

گزشتہ ماہ سندھ اینگرو کمپنی نے تھرکول سائٹ پرمنعقدہ تقریب میں دو نجی کمپنیوں سے کوئلے کی خریداری اور دو بجلی گھر لگانے کا معاہدہ کیا تھا۔

اس موقع پر سندھ اینگرو کمپنی کے سربراہ شمس الدین شیخ نے کہا تھا کہ ملک میں توانائی بحران کے حل اور سستی بجلی کی فراہمی کے لیے منصوبے پر تیزی سے کام جاری ہے جبکہ زیر زمین موجود کوئلہ بھی تیزی سے نکالا جا رہا ہے۔

سندھ کے شہراسلام کوٹ میں جاری  تھرکول توانائی منصوبے سے ابتدائی طور پر 660 میگا واٹ بجلی پیدا ہوگی۔

کوئلے کی مدد سے پیدا کی جانے والی بجلی نہ صرف ملک کی بڑھتی ہوئی ضرورت کو پورا کرنے میں مددگار ثابت ہوگی بلکہ اس سے تھرمیں روزگار کے وسیع مواقع بھی پیدا ہوں گے۔

متعلقہ خبریں

ٹاپ اسٹوریز